"አዲስ አበባን ለእንግዶቿ እና ለነዋሪዎቿ ጽዱና ንፁህ እናደርጋታለን!" በሚል መሪ ቃል በአዲስ አበባ ለሚካሄደው ዓለም አቀፍ የአየር ንብረት ለውጥ ኮንፈረንስ  አስመልክቶ ከተማዋን ለጉባኤው ተሳታፊዎች ምቹና ፅዱ ለማድረግ የሚያስችል የጽዳት ንቅናቄ ዘመቻ ተካሄደ።

የኮልፌ ቀራንዮ ክ/ከተማ የወረዳ 07 ጽዳትና ውበት ጽ/ቤት በዛሬው እለት "አዲስ አበባን ለእንግዶቿ እና ለነዋሪዎቿ ጽዱና ንፁህ እናደርጋታለን!" በሚል መሪ ቃል

የወረዳ ዋና ስራ አስፈጻሚ አቶ ለማ ቱሉ፣ የኮልፌ ቀራንዮ ክ/ከተማ ቤቶች አስተዳደር ጽ/ቤት ኃላፊ አቶ መቆያ ላሌ እንዲሁም በየ ደረጃ የሚገኙ የወረዳና የክፍለ ከተማ ደጋፊ አመራሮች፣ ነዋሪዎች፣ ደንብ ኦፊሰሮች፣ ባለሙያዎች፣ የጽዳት ማህበራትና ሴፍትኔት ተጠቃሚዎች በተገኙበት የጽዳት ንቅናቄ ዘመቻ ተካሄደ

የኮልፌ ቀራንዮ ክ/ከተማ ቤቶች አስተዳደር ጽ/ቤት ኃላፊ አቶ መቆያ ላሌ እንደገለጹት ግቢያችን፣ አካባቢያችን ብሎም ከተማችን በማጽዳት አዲስ አበባ እንደ ስሟ ውብ ማራኪና ለነዋሪዎቿ፣ ለኑሮ የተመቸች ማድረግ አለብን ሲሉ መልዕክታቸውን አስተላልፏል።

አቶ ለማ ቱሉ የኮልፌ ቀራንዮ የወረዳ 07 ዋና ስራ አስፈጻሚ እንደተናገሩት ጽዳት የውበትና የስልጣኔ መገለጫ ነው፣ ጽዳት የሁላችንም ጉዳይ ሲሆን ነዋሪው ህብረተሰብ አካባቢውን በማጽዳት አዲስ አበባ እንደ ስሟ ውብ ማራኪና ለኑሮ ተመራጭ አካባቢ መፍጠር ይኖርብናል ሲሉ ገልጸዋል።

ነሀሴ 17/2017 ዓ.ም

አዲስ አበባ እንደ ስሟ እያበበች ለነዋሪዎቿ ምቹ ፣ ለጐብኚዎቿ ሳቢ ሆናለች።

:-ከንቲባ አዳነች አቤቤ

ባለፉት ሶስት ተከታታይ ቀናት በአዲስ አበባ በየደረጃው ባሉ አመራሮች ሲካሄድ የቆየው የውይይት መድረክ ተጠናቋል::

በአዲስ አበባ በየደረጃው የሚገኙ አመራሮች  የአስተሳሰብና የተግባር አንድነትን በማጠናከር እንደ ሀገር ከነበርንበት የቁልቁለት ጉዞ ለማንሰራራት፣  ባለፉት ሰባት አመታት በተከናወኑ ተግባራት የተገኙ ስኬቶችን አልቆ ለማስቀጠል ፣ ጉለቶችንም በማረም ለታለመለት ሁለንተናዊ ስኬት ለመድረስ  በሚያስችሉ ጉዳዮች ላይ ለሶስት ቀናት ሲያካሄዱት የነበረውን ውይይት በተሻለ ተነሳሽነት ለላቀ ውጤት ለመትጋት ተግባቦት ላይ በመድረስ አጠናቅቋል።

ሀገራዊ ለውጡ እውን ሲሆን ከተማችን እንዲሁም ሀገራችን የነበሩበት ነባራዊ ሁኔታ ፣ የነበሩ ውስብስብ ችግሮችን በመሻገር ታሪካዊ ስብራቶችን ለመጠገን የተወሰዱ እርምጃዎች ፣ የገጠሙ ተግዳሮቶች እና በፈተናዎች ውስጥ የተመዘገቡ አንፀባራቂ ድሎች በውይይቱ ላይ ተዳስሰዋል።

ጠንካራ ፓርቲ በመገንባት የመንግስትን የመፈፀም አቅም ለማሳደግ የተያዘው አቅጣጫ ተግባራዊ እየተደረገ በመሆኑ ተነሳሽነትን ከፍ የሚያደርጉ ስኬቶች በየዘርፉ መመዝገባቸውም በውይይቱ ተመላክቷል። ለሶስት ቀናት ሲካሄድ በቆየው ውይይትም የአዲስ አበባን ተምሳሌትነት እና የኢትዮጵያን የከፍታ ጉዞ ይበልጥ አጠናክሮ ለማስቀጠል በቀጣይም የፓርቲያችንን አሻጋሪ እሳቤዎች በቁርጠኝነት ለመፈፀም እንዲሁም ለማስፈፀም ተግባቦት ተፈጥሯል።

ሁለንተናዊ ብልፅግናን የማረጋገጥ ራዕያችን አሳታፊ እና አካታች ነው። አመራሩም ፣ አባላትም ፣ ሁሉም ዜጋ በየተሰማራበት ታሪካዊ ኃላፊነቱን በመወጣት አሻራውን ሲያሳርፍ የሀገራችንን ልዕልና የማረጋገጥ ጉዞአችን ይበልጥ ይፋጠናል። መንግስት በሰላም ስራዎች ላይ የጀመራቸውን ስራዎች አጠናክሮ በመቀጠል ፣ የዜጎችን ሰላም ለማረጋገጥ በልዩ ትኩረት እየሰራ ሲሆን ፣ በየጊዜው የሚደረጉ መሰል ውይይቶች ደግሞ ወቅታዊ ፣ ሀገራዊ ፣ ቀጠናዊና ዓለም አቀፋዊ ሁኔታዎች ላይ ተቀራራቢ ግንዛቤ በማስያዝ ጭምር ፣ በፓርቲያችን ቀጣይ አቅጣጫዎች ላይ ግልፅነት ፈጥሮ ተልዕኮን በተቀናጀ አግባብ ለመፈፀም የጎላ አበርክቶ እንደሚኖራቸው ይታመናል::

በየደረጃው ያለው አመራርም በአገልግሎት አሰጣጡ ፣ ሌብነት እና ብልሹ አሰራርን በመታገል ፣ የዜጎችን ሁለንተናዊ ተጠቃሚነት በማረጋገጥ እና የልማት አርበኛ በመሆን ለሁለንተናዊ ብልፅግና ስኬት ለመትጋት ተነሳሽነት በመፍጠር ለተሻለ ስኬት እንደሚሰሩ አንስተዋል።

በብልፅግና ፓርቲ የአዲስ አበባ ቅ/ፅ/ቤት

የመደመር መንግሥት!!

የጠቅላይ ሚኒስትር ዐቢይ አሕመድ (ዶ/ር) ቃለመጠይቅ!!

የጠቅላይ ሚኒስትር ዐቢይ አሕመድ በመደመር ሐሳብ ላይ የጻፉት አራተኛውንና "የመደመር መንግሥት" የተሰኘውን አዲስ መጽሐፍ በተመለከተ ያደረጉት ቃለ መጠይቅ ነገ ነሐሴ 14 ቀን 2017 ዓ.ም ከምሽቱ 2:30 ይጠብቁ።

ከዘመናት በፊት ተቆርቁራ በእርጅና ምክንያት ጉስቁልና አንቆ ይዞ ስሟንና ታሪኳን የማይመጥን ገፅታ የነበራት አድስ አበባ ዛሬ እውነትም አበባ መስላለች። የአፍሪካ መዲናና የበርካታ ዓለምዓቀፍ ተቋማት መቀመጫ የዲፕሎማት መንሃሪያ የሆነችዋ አድስአበባ ማንነቷን በማይገልጽ የአመኮኖሚ፣ የማህበራዊና ገፅታዊ ስብራት ታክማአንፀባራቂና የአፍሪካ ብልጽግናዊ ተምሳሌት መሆን ችላለች። ትውልድ ሲደመርና በህብር ደምቆ በወል ሲተጋ ዕዳን መሰረዝና ምንዳን ማውረስ ይችላል። ስም ይታደሳል፣ ክብርም ይመለሳል ነውና የመዲናዋ ገፅታና ታሪክ ተቀየረ፡፡ አድሷ አድስአበባ የብዙሃን እናት ነችና ዘመንን በዋጀ ህብራዊ ትጋት በአድስ መልክ ለነገ ትውልድ ምንዳ እና ተምሳሌተ ብልጽግና በመሆን እውነተኛ አበባ ሆናለች። መደመር መርህ ሆኖ በመደመር ትውልድ ተሻጋሪ ህልምና ትጋት አድስ አበባ ከጉስቁልና ወደ ልዕልና ተሻግራለች።

ታሪክ ይታደሳል፣ ታሪክ ይሰራል፤ ለትውልድም ዕዳ ሳይሆን ምንዳ ማትረፍ ይቻላል ነውና ለአድስአበባ ዛሬ ትናንት አይደለም። የመዲናዋ የተጎሳቆለ ገፅታዋ በሰው ተኮር ዕሳቤ ተለውጦ ለነዋሪዎች ምቹ ለከተማዋም ተጨማሪ ድምቀት መሆን የሚያስችል ዕምቅ አቅምን በመግለጥ ተዓምራዊ ለውጥን ማምጣት ተችሏል። የአድስ አበባ የተበከሉ ወንዞቿ ታክመው የመስብ ማዕከል ሆነው ሌላ በረከትን አጎናፅፈዋታል። አድስ አበባ ተደምማ ታስደምማለች፤ የኮሪደር ልማቷ፣ ፓርኮችና መናፈሻ፣ የወጣቶች ስፖርት ማዘውተሪያ ፣ የታሪክ መዘክሯ፣ ሰው ተኮር ፕሮጀክቶችና እጅን በአፍ የሚያስጭኑ ፍጥነትና ጥራትን የአማከሉ ልማቶቿ አስደማሚ ገፅታን አጎናፅፈዋታል። የመደመር ትውልድ ታሪክን ያከብራል፣ ታሪክን ይሰራል፣ ለትውልድም ምንዳን ያሻግራል ነውና አድስአበባ ከተማ ዘመንን በዋጀ የትውልድ ተሻጋሪ ህልምና የጠራ ትልም ታሪኳ ታድሷል። ነዋሪዎቿ እንባቸው ታብሶ ምቹ የመኖሪያ ከባቢ ተፈጥሮላቸዋል፣ ከጎስቋላና ለኑሮ የማይመች መኖሪያ ከባቢ ተላቀው ንፁህ አየር፣ ፅዱ ቤትና ምቹና ተስማሚ ከባቢ ተፈጥሮላቸዋል። አሁን ከተማችን አድስ አበባ ህፃናት ቦርቀውና ተጫውተው የሚያድጉባት፣ ወጣቶች ተዘናንተውና በስብዕና በልጽገው ነጋቸውን የሚገነቡባት፣ አዛውቶችና እናቶች መርቀውና ተጡረው የሚኮሩባት፣ ነጋዴዎች ሰርተው የሚያተርፉባት የትውልድ ቱርፋት ሆናለች።

የመደመር ትውልድ የትጋት ውጤት የሆነችዋ አድስ አበባ ሀገራዊ ልዕልናን በማላቅ ሁለንተናዊ የማብሰር ማሳያ ነች። ትውልድ ሲደመርና በህብር ደምቆ በወል ሲተጋ ዕዳን መሰረዝና ምንዳን ማውረስ ይችላል። ስም ይታደሳል፣ ክብርም ይመለሳል ነውና ታሪክ ተቀየረ፡፡ አድሷ አድስ አበባ በትናንት ሳትታሰር በዛሬ ትጋት ታድሳና ተገንብታ በድንቅ መሪዎቿ የላቀ ዕሳቤና በልጆቿ የማይዝሉ እጆች ታንፃ ለነገ ምንዳ ሆና ተምሳሌተ ብልጽግና ለመሆን ችላለች። ውቧ አድስአበባ ድህነት የመስበርና ጉስቁልናን የመቀየር የድል አርማ ነች። አድስአበባ ከጉስቁልና ወደ ልዕልና ተሻግራለች። በመደመር ዘመን ተሻጋሪ ዕሳቤ ስሟ ታድሶ ክብሯ የተመለሰው መዲናዋ አድስአበባ የቱሪዝም ማዕከል፣ የፖለቲካና ኢኮኖሚ መነሃሪያና የዲፕሎማት መቀመጫነቷን በማፅናት የሀገራዊ ልዕልና ግንባታ መነሻና የአፍሪካም የብልጽግና ተምሳሌትነቷን በድንቅ ስራዎች አረጋግጣለች።

ታሪክ ጠብቀው ዘመንን በዋጀ አርበኝነት በላቀ ዕሳቤና በነቃ ትጋት የከተማዋን ስምና ክብር ወደ ሚመጥን ከፍታ እጅን በአፍ በሚያስጭን ፍጥነትና ጥራት አሻግረዋል። አድሷ አድስ አበባ ትናገራለች፦ ታሪክ ተቀየረ እርጅና ተገፈፈ፣ ለትውልድ ኩራትና እራት፣ ድምቀትና ክብር መሆን የምትችል ውብ ከተማ ሆናለች። መደመር እንድህ ነው፦ ያስባል፣ ይፈጽማል ቃልን በተግባር እያፀና ነገን ዛሬ ገንብቶ ለትውልድ ምንዳን ለሀገር ልዕልናን ያጎናፅፋል! በአጠቃላይ አድስ አበባ የትናንት እርጅናን ቀንበር ሰብራ ከጉስቁልና ወደ ልዕልና ተሻግራለች። ለዚህም ነው ማለም፣ ማቀድ፣ አርቆ ማየትና አልቆ መፈጸም የመደመር ትውልድ መገለጫ ነው የምነሰለው። ይህ ትውልድ ታሪክን አድሶ ወርቃማ ታሪክን እየፃፈ ይገኛል። ዘመን ተሻጋሪ ህልምን አንግቦ አቧራን ያራገፈና አሻራን ያሳረፈ ትውልድና ነውና በህብር ደምቆ በወል እየተጋ ሀገራዊ ልዕልና እውን ያደርጋል። በደም የከበረቸዋን ሀገር በላቡ እያፀና በአንፀባራቂ ድሎቹ ሳይዘናጋ በወል እውነት የፀናች ልዕልናዋ የተበሰረ ሀገር ይገነባል። 

ብልፅግና ፓርቲ ህብረ ብሔራዊ አንድነትን  የሚሸረሽሩ ትርክቶችን ከማጉላት ይልቅ የሚያቀራረቡና የሚያስተሳስሩንን እውነታዎች በማጉላት፣ ከትናንት ጠቃሚ ትምህርቶችን በመውሰድ እንዲሁም ዛሬና ነገ ላይ በማተኮር ወንድማዊና እህታዊ ህብረትን በብሔሮች መካከል ማጠናከርን ይመርጣል።

ብልፅግና ፓርቲ ሃገራዊ አንድነትን መትከል አካታች የኢኮኖሚ ስርዓት መዘርጋት ትልቅ ራዕይ አንግቦ የተነሳና ራዕዩም እውን እያደረገ የለውጥ ጉዞውን በውጤት እያረጋገጠ የመጣ ፓርቲ ነው።

የለውጡ ትልቁ ግብ ከሆነው አንደኛው የዲሞክራሲ ማበብ ባህሉን በማስፋት ረገድ የማህበረሰቡ ንቃተ ህሊና ጋ አስፍቶና አልሞ በመስራት ከፓለቲካ እስረኝነት በመውጣት ለሀገር አንድነትና ለሀገር ሁለንተናዊ ለውጥና ብልጽግና ማረጋገጥ ያስችል ዘንድ አስፍቶ በማሰብ እምርታ ለውጥ ማምጣት በሚያስችል ሁኔታ ለዘመናት እስር ቤት የታሰሩትን መፍታትና የሀገር የለውጡ አካል እንዲሆኑ ማድረግ መቻሉ፣ በተለያዩ ጊዜያት በሽብርተኝነት ተፈርጅ ወደ ውጪ አገር የወጡና ወደ አገር ውስጥ እንዳይገቡ እገዳ የተጣለባቸው የነበሩ ነፃ በማድረግ ለሀገራቸው ለውጥ በአንድነት ቆመው የለውጡ ተዋናይ እንዲሆኑ እድል የሠጠ ስርዓት ያበጀ ሂደት ፓርቲ ነው።

የዲሞክራሲ ምህዳሩና ባህሉ የበለጠ እንዲያብብና በተግባር እንዲተገበር  ሁሉም ኢትዬጵያዊ ዜጋ አንድ ላለችን ሀገር በመምከር የተፎካካሪ የጋራ ምክር ቤት ተቋም መፍጠር በተያዙ እሳቤዎችንና አላማዎች ላይ ግልጽ የሆነ ውይይት  ነፃ ሀሳቦችን በማቅረብ ለውጡን ለማበብ ፈርቀደጃ ስራዎች ለመስራተ ተችሏል።

አቃፊነትን በተግባር  ያሳየና ከማሳየትም ባለፈ ቀግልጽ በተጨባጭ ሆኖ በመገኘት የሚታይ  እምርታዊ ውጤት የተመዘገበበት እሳ ነው። ለዚህም ከአጋርነት በመውጣት ስለ ሀገር ጉዳይ በእኩል በመሳተፍ እኩል ሀሳብ በመስጠት እኩል በመስራት በእኔነት ስሜት በመስራት ለለውጥ ማረጋገጥ ትልቅ ስራ መስራት ተችሏል።

ለዚህም በህብረ ብሄራዊ አንድነት በወንድማማችነትና በእህትማማችነት መርህ ከሊቅ እስከ ደቂቅ በማሳተፍ ሁሉም ብሄረሰብ ያሳተፈ ሁሉም ዜጋ ባሳተፈ  መልኩ ዲሞክራሲን በመትከል ስራዎችን በውጤት በመቀየር ትልቅ የሚታይ ለውጥ ለማምጣት ተችሏል።

ሌላኛው የፍትህ እና የሚዲያ ተቋማት ከፓለቲካ ጣልቃ ገብነት ነፃ ገለልተኛና  በማድረግ የተቋማቸውን ህልው በማስጠበቅ ህግና ስርዓቱን በሚጠብቅና በሚያከብር መልኩ ተልዕኮዋቸው በነፃት እንዲመሩ የተደረገበት አግባብ በዲሞክራሲ ምህዳሩ ከማስፋት አንፃር ትልቅ እምርታዊ ለውጥ የመጣበት ሂደት እጅግ የሚበረታታ ነው።

ኢትዮጵያ ከሀገራዊ ምስረታዋ ጀምሮ የመደመር መርህ ያሳየ የሚመስል አብሮ የመኖር ጥብቅ ትስስር ያለው ቢመስልም በወቅቱ ከአራቱም የሀገራችን አቅጣጫዎች ለሚነሱት በቂ ከሀገር የማህበራዊ ፣ ኢኮኖሚያዊ ፣ ፖለቲካዊ ፣ ባህላዊ ፣ ስነልቦናዊ እኩል እያደገ ያልመጣው የጥያቄዎች ምላሽ በየዘመኑ ለገጠመኑን ብዙ ውስብስብ ውስጣዊ ችግሮች ተጋላጭ አድርጎናል ። ይህንን ስብራት ጠንቅቆ በመረዳት በቂ የትርክት ግንባታ ዝግጅት ያደረገው ፓርቲያችን ብልፅግና በእያንዳንዱ ዘርፍ የገጠመንን ችግር በዘላቂነት መፍታት የሚቻለው መሰረቱ ሀገራዊ መግባባት ላይ ያደረገ የሁሉም ከሁሉም ለሁሉም የሆነች ሀገርን በማፅናት መሆኑን በተግባር በማረጋገጥ ነው ።

ከሀገራዊ ውክልና ጀምሮ ህብረብሄራዊነትን መነሻ ባደረገ መልኩ በመስራት ፣ ነፃ ጠንካራ እና ገለልተኛ ተቋማትንም በማበራከት ፣ ፕሮጀክቶችን በተሻለ ጥራት እና ፍጥነትን ጨምሮ በማጠናቀቅ ፣ የትምህርት ስርዓታችንን ለትውልድ መሰረት አድርጎ በማዋቀር ፣ ገዥ ትርክት የሁሉም ተግባር መሰረቱ በማድረግ ፣ የሀገርን ህልውና በማስቀጠል በበቂ ምክንያት ላይ መሰረት ያደረገ የሚዲያ ነፃነትን ማረጋገጥ ዴሞክራሲያዊ ምርጫን በመከተል የህዝብን ቅቡልነት ያገኘው ለሁለንተናዊነት የሚሰራው ፓርቲያችን ብልፅግና አሁንም ለተጨማሪ ድልና ስኬት በመደመር መንገዱ ላይ ይገኛል ።

ከአስሩ የዓባይ ተፋሰስ ሀገራት ከ80 በመቶ በላይ የውሃ ድርሻ ያላት ኢትዮጵያ ምንም የውሃ ድርሻ እንዳይኖራት የተለያዩ ሴራዎች ሲጠነሰሱ ኖረዋል።

ለዓባይ ወንዝ ህልውና ምንም አስተዋፅዖ የሌላቸው ሁለቱ የታችኞቹ ተፋሰስ ሀገራት ደግሞ ብቻቸውን መጠቀም እንዲችሉ በግልፅም በስውርም ጥረቶች ተደረገዋል ፤ ይህ ፍርደ ገምድልነት የነበረው ኢፍትሀዊ የዓለም ስርዓት ነፀብራቅ ነው። ነፃነት ፣ እኩልነት ፣ ፍትሀዊነት የሚባሉ የዴሞክራሲ እሴቶች ከፍ ብለው በሚሰሙበት በዚህ ወቅት ጭምር ኢትዮጵያን ባይተዋር አድርጓት የቆየው አግላይ የቅኝ ግዛት ዘመን ውል ተፈፃሚ እንዲሆን  የሚጥሩ መኖራቸው ደግሞ ግርምትን ያጭራል። ከውስጥ ችግሮች እና ስር የሰደደ ድህነት ጋር ሆኖ ለሀገራችን ተጨማሪ ዕዳ ሆኖ የቆየው የቅኝ ግዛት ውል ህጋዊ መሰረት እና አሳሪነት የለውም። የተፈጥሮ ሀብታችንን በብቸኝነት ሲጠቀሙ የነበሩ ሀገራት ላለፈው ካሳ መክፈል ሲገባቸው ዛሬም እንደ መከራከሪያ በማቅረብ በሀሳብ ትናንት ላይ ተቸክለዋል።

በተፈጥሮ ሀብታችን የበይ ተመልካች እንድንሆን ኢትዮጵያ በሌለችበት የተፈረመው አግላይ ውል እንኳንስ በአባት እናቶቻችን ክቡር መስዋዕትነት ቅኝ ባልተገዛችው ሀገራችን ፣  በቅኝ ግዛት ስር በነበሩ ሀገሮችም ጭምር ተግባራዊ መደረግ የማይችል መሆኑ የማይታበል ሀቅ ነው። ከዚህ እውነታ በመቃረን ዛሬም ትናንት ላይ ቆመው የቅኝ ግዛት እሳቤን የሚቃዡ አሉ። ኢትዮጵያ የተፈጥሮ ሀብቷን በፍትሀዊነት አልምታ ለመጠቀም የምታደርገውን እንቅስቃሴ  እንደ ስጋት የሚቆጥሩ እና የሚያጣጥሉ አካላት የኢትዮጵያን ፈጣን ዕድገት ለመግታት በስውርም በግልፅም የሚያደርጉት እንቅስቃሴ ቀጥሏል። ከሀገራዊ ለውጡ በኋላ እያደገ በሚገኘው ፈተናን ወደ ድል የመቀየር ባህላችን የታሪካዊ ጠላቶቻችን ሴራ የኢትዮጵያውያንን ቁጭት የተሞላበት የልማት ጉዞ ወደ ፊት ያስፈነጥረዋል እንጅ ወደ ኋላ የመመለስ አቅም የለውም።

ኢትዮጵያን ለማሻገር ቆርጦ የተነሳው የመደመር ትውልድ ለፈተናዎች አይበገርም። መዳረሻው ሁለንተናዊ ብልፅግናን ማረጋገጥ በመሆኑ በተገኙ ውጤቶችም ረክቶ አይቀመጥም ፤ አዳዲስ ስኬቶችን ለማስመዝገብ ይበልጥ ይተጋል። በታላቁ ወንዛችን ላይ እየተገነባ የሚገኘው ታላቁ የኢትዮጵያ ህዳሴ ግድባችን በተባበረ ክንዳችን የማያልፉ የሚመስሉ ውስብስብ ችግሮችን ተሻግሮ ለፍሬ በቅቷል። የኤሌክትሪክ ብርሃን ማመንጨት ከጀመረ የሰነባበተው ታላቁ ግድባችን የአሳ ጎተራ መሆንም ችሏል። ለአካባቢው ስነ ምህዳር መጠበቅ ከሚኖረው ፋይዳ በተጨማሪ ተሞክሮ የሚቀሰምበት ፣ ለመዝናኛም ተመራጭ የቱሪስት መስህብ መሆኑም ከቱሩፋቶቹ መካከል ተጠቃሽ ናቸው።

ኢትዮጵያዊያን በገንዘብ ፣ በእውቀት፣ በጉልበት እና በመሳሰሉት ደማቅ አሻራቸውን በማሳረፍ በራስ አቅም የተገነባው ታላቁ የኢትዮጵያ ህዳሴ ግድብ ብዝሀ አብሮነታችን የሚጠብቅበት አስተሳሳሪ ትርክታችን በመሆኑ በዛሬው ብቻም ሳይሆን በመጪው ትውልድ ጭምር ትልቅ ቦታ የሚሰጠው ማርሽ ቀያሪ ፕሮጀክት ነው፡፡ ከበርካታ አስርት ዓመታት በፊት ተወጥኖ ፣ በሚሊኒየሙ ማግስት የተበሰረው ፤  ለመቆም ከተቃረበበት አስቸጋሪ ሁኔታ ወጥቶ በሀገራዊ ለውጡ ለፍፃሜ የበቃው እና ምርቃቱ በቅርቡ የሚበሰረው ታላቁ የኢትዮጵያ ህዳሴ ግድብ ከኢኮኖሚያዊ ጥቅሞች ባሻገር ዘርፈ ብዙ ፋይዳዎች አሉት የምንለውም የብሔራዊ ጥቅም እና የብሔራዊ ክብር ጉዳይ በመሆኑ ነው።

ከነበሩበት ውስብስብ ማነቆዎች ተላቅቆ ፣ እንደ ወርቅ ነጥሮ ከጉባ ሰማይ ስር የፈነጠቀው ብርሃን በጨለማ ተውጠው ከኤሌክትሪክ መብራት ጋር ሳይተዋወቁ የቆዩ አካባቢዎችን ተቋዳሽ ያደረገ ፣ የሁሉንም ተስፋ ያለመለመ ነው። በተፈጥሮ ሀብታችን ባይተዋር ሆነን የቆየንበት ዘመን ማብቂያ ብስራት ፤ በራስ አቅም የመለወጥ ፣ የማደግ እና የመበልፀግ የአይበገሬነት አብነት ነው ታላቁ የኢትዮጵያ ህዳሴ ግድብ። አባት እናቶቻችን ወራሪ ሀይሎችን በተባበረ ክንዳቸው ድል አድርገው ፣ ሉዓላዊነትን አስጠብቀው ሰንደቅ ዓላማችን ከፍ ማድረግ እንዳስቻሉን ፣ የድህነትን አስከፊ እና አሳፋሪ ገፅታ ድል አድርገን የተሟላ ሉዓላዊነትን ማረጋገጥ እንደምንችል ያሳየንበት የላብአችን ጠብታ ውጤት ነው ግድባችንን።

ብንጀምረውም ማጠናቀቅ እንደማንችል ተስፋ አድርገው የነበሩ እኩይ ሀይሎች ታላቁ የኢትዮጵያ ህዳሴ ግድብ በአቅም ማጣት እንዲሁም በትብብር ጉድለት ምክንያት ለፍፃሜ አይበቃም የሚል ምኞት እንደነበራቸውም አይዘነጋም። በተለይም ሀገራዊ ለውጡ ሊመጣ አካባቢ በተለያዩ ብልሹ አሰራሮች ምክንያት ግድቡ ገብቶበት የነበረው ውስብስብ ችግር እና የመቆም አዝማሚያ ኢትዮጵያ ከድህነት ቀምበር እንዳትወጣ ለሚሹ አካላት ሰርግና ምላሽ ነበር። የአሰራር ማስተካከያ ተደርጎ ፣ ግድቡ የነበረበት ውስብስብ ችግር ተወግዶ እንደ አዲስ ወደ ተሟላ የስራ እንቅስቃሴ የተገባበት ወቅት ለታሪካዊ ጠላቶቻችን መርዶ ፣ ለኢትዮጵያውያን ደግሞ ብስራት ሆኗል።

የህዝባችን የዘመናት ቁጭት ፍሬ አፍርቶ በተለይም ግድባችን ሀይል ማመንጨት ሲጀምር ፣ የኢትዮጵያን ሁለንተናዊ ብልፅግና የማረጋገጥ ጉዞ ወደ ፊት ሲንደረደር ፣ ኢትዮጵያውያን በተስፋ ብርሃን ሲሞሉ ፣ የእኩይ ሀይሎች እኩይ ዓላማ ጨልሟል። የዓለም አቀፉን የዘላቂ ኢኮኖሚያዊ ልማት ፖሊሲ አቅጣጫ የተከተለ ታዳሽ ሀይል መሆኑ እየታወቀ ፤ ከጉባ ሰማይ ስር የሁሉም ኢትዮጵያውያን አሻራ ያረፈበት ግድባችን  ሀገር አውዳሚ የኒውክለር መሳሪያ ይመስል የዓለም አቀፍ ፖለቲካ የስዕበት ማዕከል እስከመሆን መድረሱ ብርቱ ትግል የጠየቀ ለመጪውም ትውልድ ጭምር ትልቅ ትምህርት የሰጠ ነው፤ በታሪክነቱም ሲወሳ ይኖራል። ታላቁን የህዳሴ ግድብ ጨምሮ ሌሎችም ግዙፍ ሀገራዊ ፕሮጀክቶች እንዲስተጓጎሉ መንግስት ከዛም ከዛም በሚፈጠሩ ግጭቶች እንዲጠመድ የውስጥ ባንዳዎችን እና ተላላኪዎቻቸውን በመጠቀም ታሪካዊ ጠላቶቻችን ያልፈነቀሉት ድንጋይ አልነበረም፤ እንደ ትናንቱ ሁሉ እንደማይሳካላቸው ቢታወቅም ዛሬም መፍጨርጨራቸውን አላቆሙም።

ታላቁ የኢትዮጵያ ህዳሴ ግድብ ፈተናዎችን ወደ ድል ከቀየርንባቸው ፕሮጀክቶች መካከል አንዱ እንጅ ብቸኛው ባይሆንም የሀገርን ሉዓላዊነት የሚፈታተኑ ጫናዎችን አስተናግዶ እንደነበር አሌ የማይባል ሀቅ ነው። ፈተናዎች ይበልጥ እያበረቱን ፣ ተግዳሮቶች ሳይበግሩን አቅሞቻችንን አስተባብረን በመነሳታችን አባት እናቶቻችን በዓባይ ወንዝ ላይ የነበራቸው የዘመናት ቁጭት ወደ ፍሬ እንዲቀየር ማድረግ የተቻለበት የታሪክ እጥፋት ሆኖም ተመዝግቧል። በራሳችን አቅም መበልፀግ እንደምንችል ያመላከተ ፣ ተግዳሮቶች እንደማያስቆሙን ያረጋገጠ ፣ እንደ መጀመርያው የአርበኝነት ምዕራፍ ሁለተኛው  የአርበኝነት ምዕራፍም በድል እንደሚጠናቀቅ የጠቆመ የኢትዮጵያ ከፍታ ማስፈንጠሪያ ጭምር ነው ታላቁ የኢትዮጵያ ህዳሴ ግድብ።

የሀገርን ሉዓላዊነት ለመዳፈር የመጣውን የጠላት ሀይል በአብሮነታችን በመቆም በተደጋጋሚ አሳፍረን  እንደመለስን ፤ አንገታችንን ያስደፋንን ፣ የሀገራችን መገለጫ እስከ መሆን የደረሰውን  ጥልቅ ጉስቁልና እና ድህነትንም በማስወገድ ሁለንተናዊ ብልፅግናችን ለማብሰር ቃላችንን የምንጠብቅበት የአይበገሬነታችን ማፅኛ ፣ የአብሮነታችን ማስተሳሰሪያ ነው፡፡ቀጣይነት ያለው ልማታችን ፍኖት የሆነው ታላቁ የኢትዮጵያ ህዳሴ ግድብ የዘላቂ ማህበራዊና ኢኮኖሚያዊ መስተጋብራችንም ማህተም ነው። የዚህ ትውልድ አኩሪ ድል ፣ የመጪው ትውልድ ታሪክ የሆነው ይህ ሀገራዊ ፕሮጀክት የተደመረ አቅም ሀገርንም ህዝብንም ከማንኛውም ተግዳሮት ከፍ አድርጎ ማሻገር እንደሚችል አሳይቷል። በሀገራዊ ልማት ሁሉም ዜጋ አሻራውን ማሳረፍ ከቻለ አይቻልም የተባለው ተችሎ ላቅ ያለ አንፀባራቂ ድል ማስመዝገብ እንዲሁም የኢትዮጵያን ልዕልና ማብሰር እንደሚቻልም አንዱ ማሳያ ነው በቅርቡ የሚሞሸረው ታላቁ የኢትዮጵያ ህዳሴ ግድብ።

አዲስ አበባ ቤታችን የሚመጥናትም የሚገባትም ብልፅግና በመሆኑ ዕድሜ ያገረጃ ፋቸው ሰፈሮቿ እየታደሱ፣ አዳዲስ ህንፃዎችም በግሉ ዘርፍ እና በመንግስት በፍጥነትና በጥራት እንዲጠናቀቁ ግልፅ አሰራር ተዘርግቶ እየተሰራ ይገኛል።

በበርካታ ሰፈሮች በቆርቆሮ አጥር ተሸፍኖ የቆየውን ዝገቷን በመሞረድ ፣ ውቢቷንና ምቹዋን  አዲስ አበባን ማነፅ ጀምረናል፤ ማራኪ የአይን ማረፊያ ማድረግ ጀምረናል።

ዘመናዊ የመንገድ ግንባታችን ነገንም ታሳቢ በማድረግ እየተከናወነ ሲሆን አደባባዮቿም የትራፊክ ፍስሰቱን ከማሳለጥ በተጨማሪ ውበትን እንዲጎናፀፉ አበረታች ስራዎች እዚህም እዚያም ተጀማምረዋል።

አህጉራዊ እና ዓለም አቀፋዊ ከተማችን አዲስ አበባ የነዋሪዎቿን ህይወት በሚያሻሻል መልኩ ጎስቋላ ሰፈሮቿ እየታደሱ ተወዳዳሪነቷና ተመራጭነቷ በእጅጉ  ጨምሯል። በዚህም በተጠናቀቀው በጀት ዓመት ብቻ የህዝቡን ኢኮኖሚያዊ እና ማህበራዊ ዕድገትን ለማሳለጥ በተሰራው ስራ ሶስት ዓለም አቀፍ ውድድሮችን አሸንፋ ተሸልማለች።

የአድዋ ሙዚዬምን የመሳሰሉ ታላላቅ አገራዊ ፕሮጀክቶች ከልማት ፋይዳቸው ባሻገር የኢትዮጵያ ታሪክ ለዓለም ከፍ ብሎ እንዲታይ ጉልህ ሚና የተወጡ ይገኛሉ።

አዲስ አበባ በስም ብቻ ሳይሆን በሚታይ በሚዳሰስ ልማት መፍካት እንደሚገባት በማመን ፓርቲያችን፣ ህዝባችንና መንግስታችን ከተማዋን የብልፅግና ተምሳሌት ለማድረግ 24 ሰዓት ስራ ላይ ናቸው።

ከተማችን በአሁኑ ጊዜ በሁሉም መስኮች ከፍተኛ ለውጥ እያሳየች ሲሆን በተለይም ድሮ የምናውቀው ይጨናነቅ የነበረው የአዲስ አበባ መንገድ ዛሬ ላይ የትራፊክ ፍሰቱን ለመቀነስ የንግድ ስርዓቱን ለማሳለጥ መንገዶች እየተስፋፉና እየዘመኑ ነው።

ሌላኛው የከተማችን ለውጥ አዳዲስና ዘመናዊ ህንጻዎችና የንግድ ቦታዎች በስፋት እየተገነቡ ሲሆን ይህም ለከተማው የኢኮኖሚ እድገት ከፍተኛ አስተዋጽኦ ያደርጋል። በተጨማሪም የአዲስ አበባ ነዋሪዎች የአኗኗር ዘይቤን ለማሻሻል የተሰጠው ትኩረት አዳዲስ መናፈሻዎችና መዝናኛ ቦታዎችን፤ የመኪና ፓርኮችን፣ የባስ ተርሚናሎችን እና መሰል በርካታ ሰው ተኮር ስራዎችን እየተፈጠሩ ሲሆን ይህም ሰዎች በነጻ ጊዜያቸው የሚዝናኑባቸውን ቦታዎች እያሳደገ መጥቷል።

አዲስ አበባን እንደ ስሟ ውብና ማራኪ የአፍሪካ መዲና የብዙሀን ቱሪስቶች መዳረሻ ለማድረግ የከተማ አስተዳደሩ የጽዳት ሥራዎችን በማከናወን፣ አረንጓዴና ውብ ለማድረግ ከተማዋን ይበልጥ ለማዘመን ከፍተኛ ስራም እየተሰራ ነው። በአጠቃላይ አዲስ አበባችን እጅግ አስደናቂ ለውጥ እያሳየች ነው፣ ይህም ለነዋሪዎቿ የተሻለ ሕይወት ለመፍጠር ያለመ ነው። እነዚህን ለውጦች በዘላቂነት ለመጠበቅና ያሉትን ተግዳሮቶች ለመፍታት ሁሉም ዜጋ የበኩሉን አስተዋጽኦ ማድረግ ደግሞ የሚጠበቅ ይሆናል። 

ለረጅም ጊዜ የህብረተሰቡ መልካም አስተዳደር ጥያቄ የነበረው የውስጥ ለውስጥ የኮብልስቶን ንጣፍ ስራ 95% መጠናቀቁን አስተዳደሩ ገልጿል

የኮልፌ ቀራንዮ ክ/ከተማ የወረዳ 07 ዋና ስራ አስፈጻሚ አቶ ለማ ቱሉ እንዲሁም የወረዳው የብልጽግና ፓርቲ ቅ/ጽ/ቤት ኃላፊ አቶ ሚሊዮን ወንድሙ በተገኙበት በወረዳው አስተዳደር እና በህብረተሰቡ ተሳትፎ  እየተሰሩ ከሚገኙ ሰራዎች መካከል አንዱ የሆነው የውስጥ ለውስጥ የኮብልስቶን ንጣፍ ስራ ያለበት ደረጃ ጉብኝት አካሄዱ

አቶ ለማ ቱሉ የወረዳው ዋና ስራ አስፈጻሚ በምልከታም ወቅት እንደተናገሩት ነዋሪው ህብረተሰብ በተለያዩ ጊዜያት ከሚያነሳቸው የመልካም አስተዳደር ጥያቄዎች  ለመመለስ አስተዳደሩ ጊዜ የለኝም መንፈስ በቁርጠኝነት በፍጥነትና በጥራት ስራዎች  እየተሰሩ እንደሚገኙን ገልጸዋል።

አክለውም ይህንን ስራ ስንሰራ የአመራሩ፣ የባለሙያዎች፣ የባለድርሻ አካላትና የህብረተሰቡ ተሳትፎ ከፍተኛ ሚና እንደነበራቸው ተናግረዋል

#aa_prosperity

#kolfe_prosperity

#kolfe_woreda_07_prosperity

https://www.kolfekeranyoworeda07prosperity.gov.et/ዋና-ገጽ

ነሀሴ 04 ቀን 2017

ጤናማ፣ በሚገባ የተጠበቁ የወንዝ ዳርቻዎች የከባቢ ሥርዓትን እና የውሃ ጥራትን መጠበቅ ብቻ ሳይሆን የማኅበረሰብን የኑሮ ደህንነት የሚያሻሽሉ እና የከተሞችን ለፈተና አለመበገር የሚያጠናክሩ ደማቅ ሕዝባዊ ሥፍራዎችን ይፈጥራሉ።

ዛሬ ከሰዓት ከብልጽግና ምክር ቤት ስብሰባ በኋላ የአዲስ አበባ የወንዝ ዳርቻ ልማት የሥራ ሂደትን በጋራ ተመልክተናል። ይኽ ሥራ አሁን በተያዘው ምዕራፍ በአምስት ክፍለ ከተሞች የሚዘልቅና 21.5 ኪሎ ሜትር ርዝመት ያለው ነው። ፕሮጀክቱ በጥቂቱ የእግረኛ መንገዶች፣ የብስክሌት መንገፍ፣ ሕዝባዊ ፕላዛዎች፣ የመኪና ማቆሚያዎች፣ የሕፃናት መጫወቻዎች፣ ሱቆች እና አምፊቴአትሮች የተካተቱበትም ነው።

ከዚህ ግዙፍ ሥራ አላማዎች መካከልም የወንዞች ብክለትን ማስወገድ፣ የከተማዋን የጎርፍ ተጋላጭነት መቀነስ፣ ሕዝባዊ መሠረተ ልማቶችን ማስፋፋት፣ የአረንጓዴ ስፍራዎችን ቁጥር መጨመር እና የሥራ እድል መፍጠር ይገኙበታል። ፕሮጀክቱ ሲጠናቀቅ አካባቢያችንን ከመጠበቅ ባሻገር ለአዲስ አበባ ደማቅ እና ዘላቂ የወንዝ ዳርቻዎችን በማስገኘት የከተማዋን ኢኮኖሚ እና የኑሮ ደረጃ ከፍ ያደርጋል።

:-ጠ/ሚንስትር ዶ/ር አብይ አሕመድ

#aa_prosperity

ብልጽግና ብዝኃ ዐርበኝነትን ይጠይቃል። የደም ብቻ ሳይሆን የላብ መሥዋዕትነትን ይጠይቃል። ዐርበኝነት እና ዝግጁነት የሀገርን ታሪክ ይቀይራሉ። እኛ የብልፅግና ምክር ቤት አባላት ራሳችን ተግተን ሕዝብንም ለማትጋት ተነሥተናል። ራሳችን ጠርትን ሕዝቡንም ለማጥራት ወስነናል። እንደ ዐርበኛ አመራር በልካችን ለመታገል ቆርጠናል። የብልፅግና አመራር የኢኮኖሚም የግንባርም ዐርበኛ ነው። ሕዝብን ያስተባብራል። በግንባር ይፋለማል። ደጀኑንም ያጠናክራል። እኛም ይሄንን ከወትሮው በበለጠ ለመፈጸም ቃላችንን በድጋሚ እናድሳለን።

የብልፅግና ፓርቲ ምክር ቤት

ነሐሴ 02 ቀን 2017 ዓ.ም

አዲስ አበባ

ድል እና ኢትዮጵያ የተሣሠሩ ናቸው። ነገር ግን ከድሎች ሁሉ የሚበልጥ ድል አለ፡፡ እሱም ድልን በአነሰ ኪሣራ ማረጋገጥ እና ከዘላቂ ውጤት ጋር ማስተሣሠር ነው። ከድል ሁሉ የሚበልጠው ድል፣ ድልን ብቻ ሳይሆን ስትራቴጂያዊ ግብን ጭምር ማረጋገጥ ነው። ዘላቂ ድል ማለት ውስጣዊ ባንዳዎችን ብቻ ሳይሆን ውጫዊ ጠላቶችን ጭምር ስትራቴጂያዊ በሆነ መንገድ መርታት ነው።

የብልፅግና ፓርቲ ምክር ቤት

ነሐሴ 02 ቀን 2017 ዓ.ም

አዲስ አበባ

አዲስ አበባ የብልፅግናችን ጉዞ ማሳያ !!

አዲስ አበባ የብልፅግና ተምሳሌታዊነቷን ሊያረጋግጡ የሚችሉ ሰው ተኮር የልማት ስራዎችን በማከናወን የዜጎችን በተለይም የወጣቱን፣ የሴቶችን፤ የአቅም ደካሞችን፣ ህይወት የቀየሩ በርካታ ተግባራት ተከናውኗል። ፕሮጀክቶቻችን ተስፋ ሴጪ ብቻ ሳይሆን በአጭር ጊዜ ውስጥ ተመርቆ ለበርካቶች እፎይታን የሰጡ ገና ተመርቆም የበርካቶችን ህይወት የሚቀይሩ እየተከናወኑም ይገኛሉ።

የኑሮ ውድነትን ሊቀንሱ የሚችሉ የብልፅግና እሳቤዎች ወደ ተግባር ተቀይረው በተጨባጭ የህዝባችንን ጥያቄ እየመለሱ ይገኛሉ ። የገበያ ማዕከላት፣ የእሁድ ገበያ፣ የሌማት ቱሩፋት፣ የከተማ ግብርና ውጤቶች፣ የአቅመ ደካሞችን ቤት ማደስ፣ የተማሪዎች ምገባ ፥ የምገባ ማዕከላት በሰፊው አገልግሎት እየሰጡ ይገኛል። እንደ ብልፅግና የተናገርነውን ለሕዝቡ ቃል የገባነውን በተግባር እያረጋገጥን የተሰጠንን የሕዝብ አመኔታ በአግባቡ እየተወጣን እንገኛለን። አዲስ አበባን የብልፅግና ተምሳሌት በማድረግ የኢትዮጵያን ብልፅግና እውን እናደርጋለን። 

ታላቁ የህዳሴ ግድብ ከዚህ ስኬት ሲደርስ እልፍ አእላፍ ችግሮችንና የሴራ ወጥመዶችን ያሳለፈ ሲሆን ግድቡን ለመገንባት ስናቅድና ስንጀምር ጫጫታና ጫናዉ ቀላል ያልነበረ ቢሆንም የኢትዮጵያውያን ሕልምና ተስፋ ከጅምሩ እንዲጨናገፍ አንዳንድ ሀገራት በጋራ አድመው አሲረውብናል፤ በዓለም አቀፍ ደረጃ እንድንገለልና እንድንነጠል ከፍተኛ ዘመቻ ተከፍቶብናል። ሁሉን አቀፍ ጫናዎችን ተቋቁመን ግድቡን ወደ ማገባደጃ ምዕራፍ ስንሸጋገርም ዘመቻውን ዳግም በመክፈትና ኃይል በማስተባበር በርካታ ጫናዎች መደረጋቸው የቅርብ ጊዜ ትውስታችን ነው ።

ኢትዮጵያውያን በጋራ የጀመርነዉና አስፈላጊዉን መሥዋዕትነት ሁሉ የምንከፍልለት የኩራታችንና አንድነታችን መገለጫ ፕሮጀክት በመሆኑ መላው የሀገራችን የህብረተሰብ ክፍል ይህንን ሀገራዊ ፕሮጀክት በአንድነት ሰርቷል ፡፡

ግድቡን የምንገድበው ማንንም ለመጉዳት አይደለም፣ መነሻችን ሕዝባችንን ከጨለማ ኑሮ ለማላቀቅ በመሆኑ በራሳችን ወንዝና በራሳችን ሀገር፣ በራሳችን አቅም እንዳንለማ የምናደርገውን ስራ ለማጨናገፍ በርካታ ጥረቶች ሲካሄዱ ቆይተዋል ።

ኢትዮጵያውያን ግን የተለያዩ መሰናክሎችን በጋራ በመቆም እየበጣጠሱ፣ ተማሪዎች ከዕለት ጉርሳቸዉ፣ የመንግሥት ሠራተኞች ከደመወዛቸው፣ ነጋዴዎች ከወረታቸው፣ ጡረተኞች ከአነስተኛ አበላቸው፣ የጉልበት ሠራተኞች ከዕለት ጉርሳቸው፣ የፀጥታ ኃይሎችና የመከላከያ ሠራዊት አባላት ከሬሽናቸው፣ በውጭ የሚኖሩ ያሉ ኢትዮጵያውያን ከአነስተኛ ገቢያቸዉ፣ አርሶ አደሮችና አርብቶ አደሮች በላባቸው ካፈሩት ፍሬ እየቀነሱ ግድቡን ከማጠቀቂያ የምርቃትና ፍሬው ከሚጨበጡበት ምዕራፍ አድርሰውታል ፡፡

ኢትዮጵያውያን ለታላቁ የሕዳሴ ግድብ አስተዋጽኦ ያደረጉት ገንዘባቸዉን ብቻ አልነበረም፤ በአጠቃላይ ታላቁ የሕዳሴ ግድባችን ልክ እንደ ዓድዋ ድል መላዉ ኢትዮጵያውያን የተረባረቡበት የወል ድል ነው፤ በጋራ ጀምረን የማንጨርሰው ጉዳይ እንደሌለ ማሳያም ነው ፡፡ የታላቁ ሕዳሴ ግድብ ስኬት ፕሮጀክቶችን በራስ ዐቅም ጀምሮ የመጨረስ ዐቅም እንዳለን አሳይተናል፡፡ አጠቃላይ ስራዉ አልቆ የምርቃት ምዕራፍና ውጤቱን መላው ኢትዮጵያዊያን የሚቋደሱበት ቀናት ሩቅ እንደማይሆኑ ይታመናል ።

ታላቁ የሕዳሴ ግድብ ፕሮጀክት የተሳካዉ በመላዉ ኢትዮጵያውያን የእንችላለን መንፈስና የጋራ ጥረት ነው፡፡ ታላቁ የሕዳሴ ግድባችንም የኢትዮጵያን ሁሉ የጋራ ድልና የይቻላል መንፈስ ተምሳሌት ሆኖ ይቀጥላል፡፡ በኢትዮጵያውያን ኅብረት ግድቡ  ተጠናቋል፣ ሁለንተናዊ ብልፅግናችን እውን ይሆናል!

#aa_prosperity

#kolfe_prosperity

#kolfe_woreda_07_prosperity

https://www.kolfekeranyoworeda07prosperity.gov.et/ዋና-ገጽ

የ90 ቀናት የተግባር አፈፃፀም፣ የዝግጅት ምዕራፍ ስራዎች እና የውስጠ ፓርቲ ሥራዎች ያሉበት ደረጃ በአጠቃላይ አመራር የጋራ ተደረገ።

በኮልፌ ቀራንዮ ክፍለ ከተማ ወረዳ 07 አስተዳደር አጠቃላይ አመራር በተገኙበት የ90 ቀናት፣  የመንግሰትና የፓርቲ ተግባራት  ዕቅድ አፈፃፀም በመገምገም የቀጣይ ስራ አቅጣጫ አስቀምጧል። የስራ እድል ፈጠራ፣  የሌማት ትሩፋት፣ የአገልግሎት አሰጣጥ፣ የኮሊደር ልማት ስራ፣ ገቢ አሰባሰብ፣ የሰላምና ፀጥታ ስራ፣  የበጎ ፈቃድ ስራ፣ አረንጓዴ አሻራ ችግኝ ተከላ፣ የታላቁ ህዳሴ ግድብ ቦንድ ግዢ አሰባሰብ፣ ትምህርት ለትውልድ፣ ማህበራዊ ሚዲያ ህዝብ ግንኙነት ስራ፣ ECD እንዲሁም ሌሎች ተግባራትን አስተሳስሮ በቅንጅት ሰርቶ ውጤት በማምጣት ጥንካሬን በማስቀጠል ክፍተቶች በመሙላት በእቅድ የያዝናቸው ተግባር በትኩረት ልንሰራ ይገባል ሲሉ የወረዳ 07 ዋና ስራ አስፈፃሚ  አቶ ለማ ቱሉ ገልጸዋል።

የወረዳው  ብልጽግና ፓርቲ ቅ/ጽ/ቤት ኃላፊ አቶ ሚሊዮን ወንድሙ እንደተናገሩት የሌማት ትሩፋት ተግባር አጠናክሮ በማስቀጠል ነባር ተጠቃሚ በማስቀጠል አዳዲስ ተጠቃሚ የሚሆኑ ወደ ተግባር በማስገባት ምርት ምርታማነት በመጨመር ከሸማችነት ወደ አምራችነት መሸጋገር ያስፈልጋል ሲሉ ገልጸዋል።

አክለውም የብልጽገና ፓርቲ ስራዎች አጠናክሮ በመስራት ጠንካራ ተቋም መፍጠር እንደሚገባ አሳስበዋል።

#aa_prosperity

#kolfe_prosperity

#kolfe_woreda_07_prosperity

https://www.kolfekeranyoworeda07prosperity.gov.et/ዋና-ገጽ

ነሀሴ 02 ቀን 2017

የመደመር ትውልድ:- ተረጂነትን የሚፀየፍ ፣ የኢትዮጵያን ሉዔላዊነት እና ክብር የሚያረጋግጥ የሁለተኛው ምዕራፍ አርበኛ ትውልድ ነው!! የመደመር ትውልድ፤  ለመፃይ ኢትዮጵያ ዜጋ  ውዝፍ እዳን ወደ  ምንዳ እየቀየረ ነው።  የህዝቦች መከባበር፣ በአንድነትና በአብሮነት ተቻችሎ በመኖር ሀገርን ያፀናል፣ የኢትዮጵያን የብልጽግና ጉዞም ፅኑ መሰረት ላይ ያኖራል!

የመደመር ትውልድ ኢትዮጵያውያን  ከምግብ እጥረት ወጥተው ለምግብ ጥራት የሚሠራ፤ ጎተራው ሞልቶ የተትረፈረፈ አምራችና ሰጪ ትውልድ፤ መጪዋን ኢትዮጵያ ሊረከብ ይገባል ብሎ ያምናል።

የመደመር ትውልድ የረሃብ ታሪካችንን ለሌሎች በሚደርስ መትረፍረፍ ገልብጦ፤ ኢትዮጵያን የጥጋብና የመትረፍ ምሳሌ የሚያደርግ ትውልድ ነው።

አዲስ አበባ ለእንግዶቿ አይደለም ለነዋሪዎቿ አስደማሚ መሆኗ እንደቀጠለ ነው።ትናንት በእርጅና በኋላቀርነት እና ከደረጃ በታች በሆነው ገፅታቸው የሚታወቁ ሰፈሮቿ በማይታመን የጊዜ ርዝማኔ ፍፁም ዘመናዊነትን ተላብሰው መመልከት የሁልግዜ ተግባር እየሆነ መጥቷል።

ብልፅግና መገለጫው የሆነው ሰው ተኮር እንቅስቃሴም በሚያስገርም አኳኋን በርካቶችን እያሳተፈ እና ሚሊዮኖችን ተጠቃሚ እያደረገ ቀጥሏል።ተግባሩን ከከተማዋ ነዋሪ ጋር የሚዛመድ ከሁሉም እምነት እና ባህል ጋር የማይጋጭ በመሆኑ ጉዳዩ ከተራ የተግባር አፈፃፀምነት ይልቅ ባህል መሆን እያደገ የመጣበትን አዝማሚያ እየተስተዋለ ነው።

አዲስ አበባ በብልፅግና ጎዳና ላይ እየተራመደች እንደሆነች በበርካታ መገለጫዎች ማቅረብ ይቻላል።በአዲስ አበባ እያንዳንዱ እንቅስቃሴ ከተማዋን የብልፅግና ተምሳሌት ከማድረግ አንፃር ታይቶ ስለሚከናወን  በየግዜው አዳዲስ የሆኑ ለውጦች እየተመዘገቡ በርካታ ተግባራት የህዝብን ጥቅም  በሚያረጋግጥ አግባብ ተፈፅሟል።

የፓርቲያችንን እሳቤዎች በተጨባጭ ወደ መሬት በማውረድ በከተማው ስር የሰደደ ኢኮኖሚያዊ ማህበራዊ እና ፓለቲካዊ ችግሮችን ከስር መሰረቱ ለመፍታት የሚያስችል ቁመና በመያዝ የብልፅግና ተምሳሌት የሆነች ከተማ መገንባት ተችሎአል።

ታላቁ የኢትዮጵያ ህዳሴ ግድብ በኢትዮጵያዊያን የተባባረ ክንድ ተገንብቶ ብርሃን ሊሰጥ አባይ ወደ ብርሃንነት እንዲቀየር ኢትዮጵያዊያንና ትውልደ ኢትዮጵያውያን ያላቸውን ፍላጎት የመሰረተ ድንጋዩ ከተቀመጠበት ጊዜ ጀምሮ ያለማቋረጥ በመደገፍ አሳይተዋል።

ከህጻን እስከ አዋቂ፣ ከገጠር እስከ ከተማ፣ ከደሃ እስከ ሃብታም፣ ከምሁሩ እስከ አልተማረው እንዲሁም በውጪ አገራት የሚኖሩ ኢትዮጵያዊያን ከእለት ጉርሳቸው ቀንሰው በመዋጣት እንደ ዓይን ብሌን የሚጠበቅ አሻራ ነዉ።

ለግድቡ እዚህ ደረጃ መድረስ ኢትዮጵያዊያን በአንድ ልብና በተባባረ ክንድ ነዉ። የአባይ ወንዝ ከጉባ ተራሮች ግርጌ ኃይል እንዲያመነጭ በማድረግ ለሀገር ብልፅግና ጉዞን ያፋጠነ ነዉ።

የነበሩ ተግዳሮቶቹን በድል ተሻግሮ ለኢትዮጵያ የብርሃን ተስፋ የፈነጠቀው ህዳሴ ግድብ የኢትዮጵያዊያ እውነተኛ ኩራት በመሆን በብልፅግና ፓርቲ  የተሰሩት የልማት ስራዎች ማሳያ ነው፡፡

• ኮሪደሩ የሚሸፍነው የቦታ ስፋት 314 ሄክታር፣

• የመንገዱ እርዝመት እስከ ቁስቋም 5.2 ኪ.ሜ የመንገድ መሰረተ ልማት፣

• ከአራት ኪሎ ሽሮ ሜዳ (3.17 ኪሎ ሜትር) በሁለቱም በኩል

ተጨማሪ አንድ ሌን እንዲኖረው ተደርጓል፣

• የመንገዱ ስፋት ከነበረበት በአማካይ 32 ሜትር ስፋት ወጥ ሆኖ 42 ሜትር ስፋት እንዲኖረው ተደርጓል፤

• 3 ሜትር ስፋት ያለው የብስከሌት መንገድ (10.4 ኪሜ) ተሰርቶለታል፤

• ከ5 – 13 ሜትር ስፋት ያለው 11.4 ኪ.ሜ የእግረኛ መንገድ (ስታምፕድ ኮንክሪት) ተሰርቷል፣

• 2  (1 ዘመናዊ ሞልን ያካተተ በመንግስትና የግል አጋርነት እየተገነባ ያለ) ተርሚናሎች እና 11 የታክሲ/ባስ መጫኛና ማውረጃዎች አሉት፤

• 7 የመኪና ማቆሚያ ቦታዎች አሉት፣

• 417 ስማርት ፖሎች ተተክለዋል።

•  የነበረውን የትራፊክ አደጋ ስጋት ከመሰረቱ የሚፈታ  ሲሆን በተለይ የታክሲ ተርሚናል እና የአውቶቢስ መስመሮች አመቺ ሁኔታን የፈጠረ እና ለተሳፋሪዎችም ደህንነት ያረጋገጠ ነው ።

አረንጓዴ አሻራ ኢትዮጵያን  በአፍሪካና በዓለም አቀፍ መድረክ የአረንጓዴ ኢኮኖሚ ተምሳሌት ያደረገ ተግባር ነው። አሁን ላይ ደግሞ የችግኝ መትከል ባህል ከመንግሥት ቅስቀሳና ከግለሰቦች ጥረት ባለፈ ሀገራዊ ቅርፅ የያዘ ሲሆን  ባለፉት ዓመታት እንዲሁም በዘንድሮ የአንድ  ጀንበር  ችግኝ ተከላ የተካሄደው የአረንጓዴ አሻራ መርሃ-ግብር ትልቁ ማሳያ ነው።

በዚህም ባለድርሻ አካላት በየፊናቸው ችግኝ ተከላን በማስፋፋት የተፈጥሮ ሚዛንን ለመመለስ እየጎተጎቱ ነው። የተፈጥሮ ሚዛን መዛባት፣ የምድር መጎሳቆልና የዕጽዋት መመናመን ጉዳይ ያሳሰባቸው ግለሰቦችና ተቋማት በየፊናቸው አመርቂ ተግባራት አከናውነዋል። ኢትዮጵያም በተፈጥሮ ኃብት ጥበቃና ደን ሽፋን በዓለም ላይ ተጠቃሽ ተሞክሮ ሰንቃ ገብታለች።

የኮልፌ ቀራኒዮ ክፍለ ከተማ አስተዳደር በከተማ ደረጃ በተካሄደው ዓመታዊ የተግባር አፈጻጸም ምዘና ከ11 ክፍለ ከተሞ መካከል 3ተኛ ደረጃ በመውጣት የመኪና ተሸላሚ መሆኑን ስንገልጽ በታላቅ ደስታ ነው።

አስተዳደሩ በበጀትአመቱ ባስመዘገበው ውጤት በዛሬው እለትም ከከተማ አስተዳደሩ ከንቲባ ከክብርት አዳነች አቤቤ እጅ የመኪና ሽልማት የተበረከተለት ሲሆን ይህ ስኬት የክፍለ ከተማው አመራሮች ፣ ፈጻሚዎች እና ነዋሪዎች የጋራ ጥረት ውጤት በመሆኑ እንኳን ደስ አላችሁ ደስ አለን።

ይህ ውጤት እንዲመጣ ከጎናችን ለነበራችሁ የክፍለ ከተማችን ነዋሪዎች በሙሉ፣ እንዲሁም ለአመራሮች፣ ለፈጻሚዎችና ለባለድርሻ አካላት ሁሉ የኮልፌ ቀራኒዮ ክፍለ ከተማ አስተዳደር ከፍ ያለ ምስጋናውን ያቀርባል።

#aa_prosperity

#kolfe_prosperity

#kolfe_woreda_07_prosperity

https://www.kolfekeranyoworeda07prosperity.gov.et/ዋና-ገጽ

የኮልፌ ቀራኒዮ ክፍለ ከተማ አስተዳደር የከተማ አስተዳደሩ ባደረገው የ2017 በጀት ዓመት የማጠቃለያ ምዘና ከ11ዱም ክፍለ ከተሞች መካከል 3ኛ ደረጃን በመያዝ የመኪና ተሸላሚ ሆኗል፡፡

አስተዳደሩ በ2017 በጀት ዓመት ተቆጥሮ በተሰጠው ተግባራት በከተማ ደረጃ ተመዝኖ 3ተኛ ደረጃ በመውጣቱ የመኪና ተሸላሚ ሆኗል።

ይህ ውጤት እንዲመጣ የበኩላችሁን አስተዋጾ ያደረጋችሁ የክፍለ ከተማው አስተባባሪ ኮሚቴ፣ የክ/ከተማ እና የወረዳ አጠቃላይ አመራሮች ፣ በየደረጃው ያላችሁ ፈፃሚዎች ፣ በጎ ፍቃደኞች  ፣ የምክር ቤት አባላትና ባለድርሻ አካላት እንዲሁም ከምንም በላይ የኮልፌ ቀራኒዮ እንቁ የሆናችሁ ነዋሪዎቻችን ላደርጋችሁት አስተዋጽኦ ልባዊ ምስጋናዬን አቀርባለሁ።

የሁላችሁም ትብብር እና ቁርጠኝነት ባይኖር ኖሮ ይህን ስኬት ማስመዝገብ ባልተቻለም ነበር።

ይህን አስደናቂ ውጤት በማስመዝገብ፣ የኮልፌ ቀራኒዮ ክፍለ ከተማ የጥረት እና የውጤት ተምሳሌት መሆኑን አረጋግጧል።

ይህ ስኬት በቀጣይም የተሻሉ ውጤቶችን ለማስመዝገብ የሚያስችል ብርታት እንደሚሆንልን እናምናለን ፣ ወደፊትም ከእናንተ ጋር በመሆን የተሻለች ክፍለ ከተማ ለመገንባት በጋራ እንሰራለን። የ2018በጀት ዓመትን በውጤት እንድናጠናቅቅ ከጎናችን በመሆን ድጋፋችሁ እንዳይለየን በአስተዳደሩ ስም ጥሪዬን አቀርባለሁ ::

በድጋሚ እንኳን ደስ አላችሁ፤እንኳን ደስ አለን

  ወ/ሮ ኒእመተላህ ከበደ

የኮልፌ ቀራኒዮ ክ/ከተማ ዋና ስራ አስፈጻሚ

#aa_prosperity

#kolfe_prosperity

#kolfe_woreda_07_prosperity

https://www.kolfekeranyoworeda07prosperity.gov.et/ዋና-ገጽ

በየጊዜው አድማሱን እያሰፋ ወደ ፊት እየገሰገሰ የሚገኘው ሁለንተናዊ ብልፅግናን የማረጋገጥ ጉዞአችን የልማታችንን ብርሃን ፈንጣቂነት አመላካች ነው፡፡

በየአካባቢው የሚገኙ ተፈጥሯዊ እና ሰው ሰራሽ አቅሞችን በመጠቀም ሁሉንም ዜጋ የልማቱ ፍትሀዊ ተቋዳሽ ለማድረግ ብርቱ ጥረት መደረግ ከጀመረ ሰነባብቷል። በፓርቲያችን እየተተገበረ የሚገኘው አካታች የኢኮኖሚ እሳቤ በሁሉም አካባቢዎች ሁሉንም የህብረተሰብ ክፍል ተሳታፊና ተጠቃሚ አያደረገም ይገኛል። መዲናችን አዲስ አበባም በመፍጠርና በመፍጠን ቃልን በተግባር የመተርጎም ባህልን አጎልብታ ተምሳሌትነቷን አስፋታለች።

በተለወጠ አስተሳሰብ ፣ ቀን ከሌት በመትጋት ፣ አሻራን በማሳረፍ ፣ ከትናንት ወረቶች ላይ የዛሬን አኩሪ ድሎች በመደመር የሀገራችንን ልዕልና ለማረጋገጥ በሁሉም መስክ የተጀመረው ርብርብ ተስፋ ሰጪ ግስጋሴ ላይ ይገኛል። አዲስ አበባን የብልፅግና ተምሳሌት ለማድረግ በየደረጃው የሚገኘው አመራር ህዝቡን አስተባብሮ እያከናወነ የሚገኘው ርብርብ እንደ ሀገር ብቻም ሳይሆን እንደ አህጉር ሊሰፉ የሚችሉ ተሞክሮዎችን ማስገኘት ጀምሯል ፤ አንዳንድ የአፍሪካ ሀገራት መሪዎች ጭምር የአዲስ አበባን የልማት ሞዴል ወደ ሀገራቸው ለማስፋት እንደሚሰሩ መግለፃቸውን ለአብነት መጥቀስ ይቻላል።

አዲስ እየተገነባ በሚገኘው ጠንካራ የስራ ባህል በአጭር ጊዜ ውስጥ ተተግብሮ ተጨባጭ ስኬትን ያረጋገጠው የከተማችን የመጀመሪያ ዙር የኮሪደር ልማት ውጤታማ አተገባበር የሀገራችንን ከተሞች የመልማት አቅም መግለጥ ችሏል። ከከተማችን የተጀመረው የዘመናዊ ከተማነት ስታንዳርድን የማስጠበቅ እንቅስቃሴ በክቡር ጠ/ሚ ዶ/ር ዐብይ አህመድ አቅጣጫ ሰጪነት ወደ ሁሉም ክልሎች እየሰፋ ሲሆን የገጠር ኮሪደርም መተግበር ጀምሯል። እንደ አዲስ አበባ ሁሉ ረጅም ታሪክ ይዘው ስማቸውን በማይገልፅ ግብር ውስጥ የቆዩ በርካታ የሀገራችን ከተሞች በከፍተኛ የልማት መነቃቃት ውስጥ ገብተዋል።

የኮሪደር ልማቱ በሀገር ደረጀ መስፋት የከተሞቻችን ጉስቁልና በማስወገድ የህዝባችንን የኑሮ ደረጃ እያሻሻለ ይገኛል። በጉልበትም ፣ በገንዘብም ፣ በእውቀትም አብዛኛው የኮሪደር ልማት በራስ አቅም እየተከናወነ ስለሚገኝ ለኮንትራክተሮች እና ለኢንተርፕራይዞች ትልቅ ዕድል የፈጠረ ሲሆን የስራ ዕድል ፈጠራ እንቅስቃሴውም ተጠናክሮ እንዲቀጥል አስችሏል። የከተማችንን ተምሳሌታዊ የብልፅግና ጉዞ አጠናክሮ በማስቀጠል የህዝባችንን የዘመናት የልማት እና የመልካም አስተዳደር ፍላጎት ማርካታ አሁንም ቢሆን አንዳች መዘናጋት የማይፈልግ መሆኑን በመረዳት ለላቀ ድል ይበልጥ መትጋት ይገባል።

ለአሁኑ የኢትዮጵያ ትዉልድ ሁለተኛዉ የአርበኝነት ምዕራፍ የብሄራዊነት ትርክትን በመትከልና በማጽናት የኢትዮጵያን እንድነት በጽኑ መሰረት ላይ ማኖር ነዉ፡፡ የዓድዋ ድልን በትክክለኛ ይዘቱ ከትዉልድ ወደ ትዉልድ ማስተላለፍ መቻል ደግሞ ለዚህ ራዕይ እዉንነት ሊያገለግሉ ከሚችሉ ወሳኝ መሰረታዊያን መካከል አንዱና ወሳኙ ነዉ፡፡  አድዋ የእዉነተኛ ህብረ-ብሄራዊነት መገለጫ ነዉ፡፡ ዓድዋ ከጊዜያዊ ፍላጎቶች በመሻገር ለዘላቂ ሀገራዊ ድል እዉንነት ድርና ማግ ሆኖ የመቆም፣  የአርቆ አሳቢነት አብነት ነዉ፡፡ ዓድዋ የእዉነተኛ ኢትዮጵያዊነት አርማ ነዉ፡፡

የዚህ ትዉልድ ዓድዋ ከብሄር፣  ከሀይማኖትና ፖለቲካ ጽንፈኝነት በመሻገር ነጻነት፣ እኩልነትና ወንድማማችነት የተረጋገጠባት ኢትዮጵያን መገንባት መቻል ነዉ፡፡ ለዚህ እዉንነት ያለን አማራጭ አንድና አንድ ብቻ ነዉ፡፡ እሱም ቀደም ሲል በሀገራችን ኢትዮጵያ በተደጋጋሚ ተሞክረዉ  ያላዋጡትን የቀኝና የግራ ፖለቲካ ጽንፈኝነትን በአግባቡ በመግራትና በማረቅ አሰባሳቢ የብሄራዊነት ትርክትን መትከልና ማጽናት ነዉ፡፡

በዉኑ ብሄራዊነት ምንድነዉ?  ብሄራዊነት መሰረታዊ በሆኑ ሀገራዊ ጉዳዮች ዙሪያ ብሄራዊ መግባባት (National Consensus) በመፍጠር በመከባበርና በመተባበር አብሮ የመኖር፣ በተናጠል ማንነቶችና በሀገራዊ ማንነት መካከል ሚዛን ጠብቆ ሀገራዊ አንድነትን፣ ሰላምንና ብልጽግናን የማረጋገጥ ጉዳይ ነዉ፡፡

ብሄራዊነት ፓርቲያችን ብልጽግና ገና ከመመስረቱ ጀምሮ ኅብረ ብሔራዊነት፣ አካታችነት፣ ፍትሐዊነት እና እኩልነት ለሁሉም ኢትዮጵያውያን ህልዉና የሚያስፈልጉ መሆናቸዉን በየሰነዶቹ  ያረጋገጠዉን በተግባር በማጽናት ኢትዮጵያን ከፍጹማዊ አንድነትና ፍጹማዊ ልዩነት ሰለባነት በመታደግ ዘላቂና ቅቡልነት ያለዉን ሀገረ-መንግስት በጠንካራ መሰረት ላይ ለመገንባት ያነገበው  አሰባሳቢ ትርክት ነዉ፡፡

ብሔራዊነት የህዝቦችን የጋራ ጉዳይ ማጉላት ነው፡፡ ብሔራዊነት በአንድነት የሚፀና ብዝኃነት ነው፡፡ ብሄራዊነት በብዝኃነት የሚዋብ አንድነት ነው፡፡ ብሄራዊነት ኢትዮጵያውያን የቋንቋ፣ ባህል፣ ራስን በራስ ማስተዳደር እና ሌሎችም ፍላጎቶች በነጻነት እንዲተገብሩ እኩል ዕውቅና ይሰጣል፡፡ ብሄራዊነት ሁሉም ኢትዮጵያዊያን በሀገር ጉዳይ ላይ እኩል ተሳትፎና ተጠቃሚነት እንዲኖራቸው የሚያስችል እሳቤ ነው፡፡

ትርክቶች የትናንት ታሪኮችን እንደ እርሾ በመጠቀም ዛሬ ላይ ለምንፈልገው አሉታዊም ይሁን አዎንታዊ ፍላጎቶቻችን የምንጠቀምባቸው፣ፍላጎቶችን የምናሰባስብባቸው መሳሪያዎች ናቸው። ትርክት ተቀባይነት የሚኖረው ስለ ማህበረሰቡ አጠቃላይ እንቅስቃሴ ግልፅ በሆነ የጊዜና የድርጊት ፍሰት ሲቀርብ፣ድርጊቱ ደግሞ ትርጉም ባለው ሁኔታ መቀመጥ ሲችል ነው። ትርክት የአብሮነት መሰረት ነው!! ሰዎችን ከየት እንደተነሱ እና ወዴት እንደሚደርሱ የሚያመለክታቸው ትርክት ነው። አዎንታዊ ትርክት በህዝብ ውስጥ መነሳሳትን አብሮነትን እና አንድነትን የሚፈጥር የሀገር ታሪክ የወደፊት ተስፋዋን እና ዛሬ ላይ የሚኖረውን ሚና እና የሚከሰቱ ክስተቶችን የምንመለከትበት መነፅር ነው።

ፓርቲያችን እንደ ሀገር "ብሔራዊነት" አዎንታዊ የሆነ ትርክት እንደሆነ በማመን የሀገራችን ገዢ ትርክት እንዲሆን በመንቀሳቀስ ላይ ይገኛል። "ብሔራዊነት" ማለት ህገ መንግስታዊነትን መሰረት ያደረገ ኃብረ ብሔራዊ አንድነት ማለት ነው። ህገ መንግስታዊነት ማለት ደግሞ ህዝቦች ተግባብተውና ተስማምተው በህገ መንግስታቸው ላይ ባስቀመጧቸው እሴቶች መሰረት ሀገረ መንግስቱን ለመገንባት መቻል ነው። ህብረ ብሔራዊ አንድነት ማለት ደግሞ የኢትዮጵያውያንን የብሔር፣ የቋንቋ፣ የሀይማኖት፣ የፆታ፣ የአስተሳሰብ፣ የታሪክ ብዝሀነትን እንደ ጌጥ እንደ ፀጋ የሚቀበል፣ እነዚህን ማንነቶች አስተሳስሮ፣ አስተባብሮ የያዘ ሀገራዊ አንድነት አለ ብሎ የሚያምን ነው። ብዝሀነቱ አንድነቱን ሳይከፋፍለው፣ አንድነቱም ብዝሀነቱን ሳይጠቀልለው ብዝሀነቱ ፀጋ፣ ጌጥ አንድነቱም ኋይል ብርታት እንደሆነ የሚቀበል ነው። ብልፅግና ብሔራዊነት ገዢ ትርክቱ እንዲሆን የፈለገበት ምክንያትም አማካይ በመሆኑ፣ በጋራ ነገሮቻችን ላይ ስለሚያተኩር፣ለሁሉም እኩል እድል ስለሚሰጥ እንዲሁም ሀገራዊ መግባባትን ማምጣት የሚችል በመሆኑ ነው፡፡

ብልጽግና ፓርቲ በመጀመሪያ ጉባኤ የተላለፉ ውሳኔዎችን ለማሳካት በተደረጉ ሥራዎች የተሻሉ ውጤቶች ተመዝግበዋል። :- ከንቲባ አዳነች አቤቤ